Banner

د ټپيزو نوې غزېدلې بڼه/ محمدحنيف حيران

23.09.2009 04:47

داسې خو نه چې به مې هېر و
زما به زده وه که به تېر و
شپول د مازغو مې ترې چاپېر و
اول مې شوق د سبق ډېر و
په تا مين شوم اوس سندرې يادومه
لکه توتي وړې خبرې يادومه
خوږې خوږې لکه شکرې يادومه
اوس سارايي شوم لرې برې يادومه

 
لکه د شپې چې جګ شي مړی
وي د ژونديو پوروړی
ځان يې راټول وي لکه پړی
سپوږمۍ د خدای روی مې دروړی
د دوو مينو تر منځ مه وړه مشالونه
ځولۍ ځولۍ درته کومه دا سوالونه
په عاشقانو باندې مه کوه ظلمونه
درته جوړه مې دي نيولي خپل لاسونه.

 
روانې وينې ترې ويالې شه
زهر دې اوښکې او خولې شه
کمې دې اور ته فاصلې شه
سپينې ماڼۍ دې کنډوالې شه
زما ياديږي د کېږدۍ يخ شمالونه
د خړ شپونکي د شپېلۍ مست مست اوازونه
تورې بيزې او خړې مېږې برګ پسونه
کورت او غوړي د پاچايانو خوراکونه.

حميده 07.10.2009 16:46

سلام<br />ګرانه پخوانۍ بڼه ډېره ښه وه

محمسد اسماعيل عندليب 27.09.2009 06:01

حيران صاحب سلامونه <br />نوښت په سر سترګو خو په دې نوښت کې ماته څه ځانګړي په نظر رانغلل فکر نه کوم چې کوم خاص تصوير يا پيغام دې ولري او که ټپه داسي اوږده شي نو سړي ته داسي نه ښکاريه چې دې ټپه کومه ده د بيتونو تسلسل يې هم له منځه ځي او لوستونکى هم ورنه ستړې کيږي .<br />ماته بې خونده شې ښکاري که څه نور بدلون پکې راوستل شي شايد ښه شي .<br />او که همداسي پاتي شي نو يو بل به راشي او هغه به د ټپې نه مخکې او وروسته لس لس نيم بيتي راوړي وايي به دا يې نوي بڼه ده بل به دا نور هم زيات کړي او بس هسي يو خريړې به ورنه جوړ شي .<br />زما په فکر ټپه په خپل حال شه ده نه خو ټپيه ايزې ته ضرورت شته او نه دې نوې بڼې ته .<br />په ادبي مينه <br />

الياس 26.09.2009 11:02

د ټپيزې دا بڼه خو زما هم چندان خوښه نه شوه، گلاب ورور دا خبره بيخي سمه ده چې وايي، د ټپې د ختمېدو سره نو تلوسه ختمه شوه بيا پسې دا وروستاړي ور تړل خوند نه کوي. <br />او حيران صيب ليکلي دي چې : <br /><br />((هو ګرانه ما هم لومړۍ چې ټپيزې رامنځ ته کولې )) دې ولا ماته خوند رانه کړ، ستاسو پيل د قدر وړ دى، خو هسې يې په دې نورو بڼو له خلکو لاره مه ورکوئ. <br />کور مو ودان<br />د بري په هيله مو<br />الياس<br />

ګلاب 24.09.2009 08:11

<p>زما په نظر دغه کار لنډۍ خرابوي، ځکه ما په خپله په کې کوم ځانګړی خوند ونه لید. <br /><br />په ننګرهار کې د نارنج ګل په تېره مشاعره کې یوه ځوان شاعر داسې یو چوکاټ وړاندې کړی وه چې د ښاغلي حیران له چوکاټ نه په نسبي ډول ښه وه، خو ښاغلي حیران په هغه باندې نور هم ور زیات کړي دي. <br /><br />د نارنج ګل د شاعرشعر چې له ما سره په یوه ویډیو کې شته په دې ډول دی: <br /><br />لکه د شپې چې جګ شي مړی<br />وي د ژونديو پوروړی<br />ځان يې راټول وي لکه پړی<br />سپوږمۍ د خدای روی مې دروړی<br />د دوو مينو تر منځ مه وړه مشالونه<br /><br />په دې کې څه ناڅه خوند شته، خو ښاغلي حیران چې څه برابر کړي دي هغه داسې ښکاري لکه په یوه لنډه کیسه کې چې غوټه خلاصه شي، د لوستونکي تسل وشي او لیکوال لا هم سوړ نه وي او نوره لکۍ ورپورې تړي. <br /><br />راځﺉ د یوه بهرنی شعر پېژندونکی دا وینا چې پښتانه چې خوشحال او لنډۍ لري نور شعر لیکنې ته یې اړتیا نشته، په پام کې نیولو سره لنډۍ په دې ډول تخریب نه کړو. <br /><br />خدای دې وکړي چې دا نوښتګر شاعر زما په نظر خفه نه شي. <br /><br />په درناوي، <br />ګلاب</p> <p><span style="color: #0000ff;"><span style="font-size: medium;">ګلابه وروره سلامونه، ژوندی اوسې وروره چې خپل نظر دې ورکړی دی، دا چې تاسې ليکلي دي، چې ټپيزې خدای مکړه لنډۍ خرابوي، فکر نه کوم چې ټپيزه دې آر لنډۍ ته زيان واړوي، دا د شاعرد ټپيزې دښه او بد د جوړښت او ستعداد کار دی، چې هغه ټپيزه څه رنګ جوړوي پاتې شوه، دا چې ټپه په دې سره خرابيږي دا د منلو وړ خبره نه ده، دا چې تاسې يې پورتنی مثال ورکړی دی، چې تاسې په نارنج ګل کې په دې بڼه اورېدلې وه، هو ګرانه ما هم لومړۍ چې ټپيزې رامنځ ته کولې په دې بڼه مې ليکلې دي؛ خو که فکر دې وي ما په سرليک کې ليکلي دي، چې داد ټپيزو نوې غزېدلې بڼه ده.</span></span></p> <p><span style="color: #0000ff;"><span style="font-size: medium;">ورور دې حيران</span></span></p>

ټولې تبصرې

ستاسو تبصره


لطفاً لاندې افغانستان په انګليسي تورو وليکئ.